İxrac-idxal dinamikası
Novator.az Azərbaycanın 2020-ci ilin ilk beş ayındakı ixrac-idxal dinamikasına nəzər salıb.
Dövlət Gömrük Komitəsinin hesabatına görə, yanvar-may aylarında Azərbaycanın xarici ticarət dövriyyəsi 11,1 milyard dollar həddində rəsmiləşib. Yanvarın dövriyyəsi 2,8 milyard dolları, fevralın dövriyyəsi 2,1 milyard dolları, martın dövriyyəsi 1,8 milyard dolları, aprelin dövriyyəsi 2,8 milyard dolları, mayın dövriyyəsi 1,4 milyard dolları üstələyib.
İlk ayda 2,1 milyard dollarlıq ixrac qeydə alınıb. Fevralda ixrac 1,1 milyard dollar, martda 957,3 milyon dollar, apreldə 2 milyard 99,9 milyon dollar, mayda 665,5 milyon dollar olub.
Dövlət Gömrük Komitəsinin yanvar hesabatında 720, 9 milyon dollarlıq idxal yer alıb, fevralda idxal 1 milyard 66,4 milyon dollar, martda 849,8 milyon dollar, apreldə 745,2 milyon dollar, mayda 782,5 milyon dollar dəyərində qərar tutub.
