“Bavariya” nöqtə qoydu
Almaniya milli futbol çempionatında 32-ci tur start götürüb. Novator.az-ın məlumatına görə, iyunun 16-da xal sayını 76-ya çatdıran “Bavariya” izləyiciləri üçün əlçatmaz olaraq çempionluğu təmin edib. Bu, Münhen klubunun 1932-ci ildən bəri 30-cu çempionluğudur.
İlk beşlikdə yer alan “Borussiya” (Dortmund) 66, “Leypsiq” 62, “Borussiya” (Mönhenqladbah) 59, “Bayer” 57 xal yığıb.
İspaniya çempionatında “Barselona” 64 xalla öndədir. “Real” 59, “Sevilya” 51, “Xetafe” və “Real Sosyedad” 47, “Atletiko” 46 xal əldə edib.
Koronavirus pandemiyasına görə yaranan məcburi tətildən iyunun 17-də qayıdacaq İngiltərə çempionatında “Liverpul” 82 xalla liderdir. “Mançester Siti”nin 57 xalı var. “Lester” 53, “Çelsi” 48, “Mançester Yunayted” 45 xal toplayıb.
İyunun 20-də bərpa olunacaq İtaliya çempionatında “Yuventus” 63 xalla ilk sıranı tutur. Onu 62 xalla “Latsio” izləyir. “İnter” 54, “Atalanta” 48, “Roma” 45 xal götürüb.
