Dövlət qulluqçuları barədə hesabat açıqlanıb
Dövlət qulluqçularının sayı və onların əməkhaqqı barədə hesabat açıqlanıb. Novator.az bildirir ki, Dövlət Statistika Komitəsinin rəsmi açıqlamasına görə, 2020-ci il yanvarın 1-nə Azərbaycanda dövlət qulluqçularının sayı 29,4 min nəfər olub, onların 29 faizini qadınlar təşkil edib.
Hesabata əsasən, dövlət qulluqçularının 7,2 faizinin 1 ilə qədər, 23,5 faizinin 1 ildən 5 ilə qədər, 23,8 faizinin 5 ildən 10 ilə qədər, 16,6 faizinin 10 ildən 15 ilə qədər, 28,9 faizinin 15 il və daha çox qulluq stajı var, onların 17,3 faizi 30 yaşadək, 16,3 faizi 30-34 yaşda, 23,8 faizi 35-44 yaşda, 19,9 faizi 45-54 yaşda, 21,3 faizi 55-64 yaşda, 1,4 faizi 65 və yuxarı yaşda olan şəxslərdir.
2019-cu il üzrə dövlət qulluqçularının orta aylıq nominal əməkhaqqı 1022,2 manat göstərilir. Bu, əvvəlki illə müqayisədə 28,3 faiz çoxdur.
