40-dan yuxarı
Energetika Nazirliyinin 16 iyun açıqlamasına görə, London birjasında brent markalı neftin barreli 39,77 dollara, Nyu-York birjasında layt markalı neftin barreli 37,13 dollara təklif olunur.
“AzəriLayt” markalı Azərbaycan neftinin barrelinə 40,38 dollar qiymət qoyulduğu xəbər verilir.
Azərbaycanın 2020-ci il büdcəsində bir barrel neftin qiyməti 55 dollardan götürülüb. “AzəriLayt” yanvara 70,04, fevrala 62,15, marta 53,77, aprelə 19,43, maya 22,92, iyuna 38,14 dollarla başlayıb.
Yanvarın gündəlik neft hasilatı 769 min barrel, fevralın hasilatı 750,6 min barrel, martın hasilatı 763,9 min barrel, aprelin hasilatı 771,4 min barrel, mayın hasilatı 650 min barrel göstərilib.
Beynəlxalq razılaşmaya görə, 2020-ci ilin may-iyul aylarında Azərbaycan gündəlik neft hasilatı 554 min barrel, iyuldan sonra 587 min barrel, 2021-ci ilin yanvar ayından 620 min barrel olmalıdır.
