Tibb müəssisələrinin akkreditasiyası: rüsumlar müəyyənləşir
Parlamentin 12 iyun iclasında “Dövlət rüsumu haqqında” qanuna ilk oxunuşda dəyişikliklər edilib. Novator.az bildirir ki, yeniliyə görə, ambulator xidmət göstərən tibb müəssisələrinin akkreditasiyadan keçirilməsi üçün dövlət rüsumu 2000 manat müəyyən olunur. Bakı şəhəri üzrə dövlət rüsumunun 100 faizi, Sumqayıt, Gəncə, Mingəçevir, Şirvan şəhərləri və Abşeron rayonu üzrə 70 faizi, digər regionlar üzrə 50 faizi ödənir.
Stasionar xidmət göstərən tibb müəssisələrinin akkreditasiyadan keçirilməsi üçün dövlət rüsumu 4000 manat məbləğində rəsmiləşir. 250-dən çox çarpayısı olan tibb müəssisəsi üzrə dövlət rüsumunun 100 faizi, 101-250 çarpayısı olan tibb müəssisəsi üzrə 90 faizi, 50-100 çarpayısı olan tibb müəssisəsi üzrə 70 faizi, 50-dən az çarpayısı olan tibb müəssisəsi üzrə 50 faizi ödənməlidir.
