SMS gələcək
Elektrik enerjisindən istifadə qaydaları yenilənib. Novator.az bildirir ki, Nazirlər Kabinetinin qaydaların 8.28-ci bəndinə etdiyi əlavəyə əsasən, elektrik enerjisi sərfinə görə ödəniş sənədləri, bildirişlər və qəbzlər məişət abonentinin təqdim etdiyi elektron poçt ünvanına və (və ya) mobil nömrəyə SMS-lə göndərilə bilər.
Qərar Energetika Nazirliyinin İqtisadiyyat Nazirliyi, Maliyyə Nazirliyi, Ədliyyə Nazirliyi və “Azərişıq” Açıq Səhmdar Cəmiyyəti ilə razılaşdırılmış təklifi əsasında verilib.
Azərbaycanda elektrik enerjisi istehlakı 300 kilovat-saatadək olan istehlakçılar üçün 7 qəpik, aylıq istehlak həcminin 300 kilovat-saatdan çox olan hissəsi üçün 11 qəpikdir. Qeyri-əhali qrupu üzrə elektrik enerjisinin pərakəndə satış tarifi 9 qəpik müəyyən edilib.
