Avropa Məhkəməsindən yeni cərimə
Avropa İnsan Hüquqları Məhkəməsi iyunun 11-də Azərbaycanla bağlı yeni qərarını açıqlayıb. Novator.az hüquqşünas Xalid Ağalıyevə istinadla xəbər verir ki, ərizəçi Nurlan Əliyev məhkəməyə şikayətində Avropa İnsan Hüquqları Konvensiyasının ilə təminat altına alınan ədalətli məhkəmə araşdırması hüququna müdaxilə olunduğunu iddia edib. İddiaya əsasən, məhkəmə prosesi ədalətli olmayıb, həm də Nurlan Əliyevə istədiyi vəkillə təmsil olunmaq imkanı verilməyib.
Avropa Məhkəməsi işdə ədalətli məhkəmə araşdırması hüququnun pozuntusuna yol verilməsini tanıyaraq Azərbaycan dövlətinə 4100 avro cərimə kəsib. Nurlan Əliyevə mənəvi ziyana görə 3600, xərc və məsrəflərə görə 500 avro avro təzminat ödənməlidir.
