ABŞ və Avstraliya alimləri Yer kürəsində ən təmiz havanın harada olması ilə bağlı araşdırma aparıblar. Novator.az-ın məlumatına görə, mütəxəssislərin tədqiqatında Antarktida qitəsi önə çıxıb.

Araşdırma göstərib ki, Antarktida antropogen aerozollardan tam azaddır. Yəni qitədə insan fəaliyyətindən qaynaqlanan çirklənməyə, zərərli hissəciklərə və toza rast gəlinmir, atmosfer çirklənmədən tam təcrid olunub.

Alimlər dünyada ən təmiz havası olan qitəyə ad da veriblər: əsl saflıq.

Antarktida cənub yarımkürəsində yerləşir. Ərazisi 14 milyon kvadrat kilometrdir. Yer kürəsindəki buz örtüyünün 90 faizi bu qitədədir. Məskunlaşmanın olmadığı ərazidə illik orta temperatur 10-57 dərəcə şaxta arasında dəyişir.

İlkin Nizami