“Əhmədli” yarımstansiyası açılıb
Prezident İlham Əliyev iyunun 11-də Bakı şəhərinin Xətai rayonunda “Azərenerji” Açıq Səhmdar Cəmiyyətinin 110/35/10 kilovoltluq “Əhmədli” yarımstansiyasının açılışında iştirak edib.
AZƏRTAC-ın arayışına görə, “Əhmədli” yarımstansiyası yenidən qurulub, transformatorlar yeniləri ilə əvəzlənib, yarımstansiyanın bütün qurğuları müasir səviyyəyə çatdırılıb. Yenidənqurma işləri zamanı yarımstansiyanın idarəetmə binası da inşa olunub. Yarımstansiya Suraxanı, Xətai və Nizami rayonlarında əhalini, sosial, iqtisadi və sənaye müəssisələrini fasiləsiz elektrik enerjisi ilə təmin edəcək.
Prezident İlham Əliyev “Əhmədli” yarımstansiyasını işə salıb.
İstifadəyə verilən yarımstansiyanın 300 min əhalini əhatə edəcəyi bildirilir. Həmçinin ərazidə sənaye müəssisələri, ictimai binalar var.
