Makroiqtisadi göstəricilər
Dövlət Statistika Komitəsi makroiqtisadi göstəriciləri yayıb. Novator.az bildirir ki, rəsmi hesabata görə, 2020-ci ilin yanvar-may aylarında ümumi daxili məhsul ötən ilin eyni dövrü ilə müqayisədə 1,7% azalaraq 27 milyard 479,9 milyon manat dəyərində olub.
Adambaşına ümumi daxili məhsul 2759,9 manat göstərilir.
2019-cu ilin ilk beş ayı ilə müqayisədə sənayedə 0,4%, kənd təsərrüfatında 3,6% yüksəlişin qeydə alındığı vurğulanır.
Açıqlamaya əsasən, ötən ilin ilk beş ayına nəzərən sərmayə qoyuluşunda 2,8%, nəqliyyat sektorunda yük daşınması üzrə 10,3%, sərnişin daşınması üzrə 34%, əhaliyə göstərilən ödənişli xidmətlər üzrə 14,9%, pərakəndə ticarət dövriyyəsi üzrə 1,7% geriləmə, informasiya və rabitə xidmətləri üzrə 4,5% artım var.
Beş ayda dövlət büdcəsinə 10 milyard 527,5 milyon manatın daxil olduğu, büdcədən 9 milyard 392,2 milyon manatın xərcləndiyi, əhalinin nominal gəlirlərinin 1,3% artdığı vurğulanır.
Rəsmi məlumata görə, yanvar-may aylarında 2,9%-lik inflyasiya gedib.
Mayın 1-nə muzdla çalışanların orta əməkhaqqının 736,2 manat olduğu bildirilir.
