Üç modul tipli xəstəxananın açılışı olub
İyunun 9-da prezident İlham Əliyevin iştirakı ilə üç modul tipli xəstəxananın açılışı olub.
AZƏRTAC xəbər verir ki, xəstəxanalar paytaxtın Bilgəh qəsəbəsində, Sumqayıt şəhərində və Abşeron rayonunun Saray qəsəbəsində quraşdırılıb.
Üç korpuslu xəstəxana kompleksləri mərkəzləşdirilmiş oksigen generator sistemi ilə təchiz olunub.
İlk belə xəstəxana mayın 7-də paytaxtda istifadəyə verilib. Daha altı kompleksin bölgələrdə inşa edilməsi nəzərdə tutulur.
Modul tipli xəstəxanalar koronavirus infeksiyası ilə mübarizədə mühüm əhəmiyyət kəsb edir. Bu xəstəxanaların hamısı quraşdırılandan sonra ölkənin səhiyyə sistemində ümumilikdə 2000 çarpayılıq ehtiyat yaranacaq.
