Neft: hasilat statistikası, yeni qiymətlər
Energetika Nazirliyinin yeni hesabatına görə, 2020-ci ilin may ayında Azərbaycanın gündəlik neft hasilatı 650 min barrel olub. Bunun 557,2 min barreli xam neft, 92,8 min barreli kondensat kimi rəsmiləşib.
Başqa bir rəsmi xəbərə əsasən, iyunun 9-u London birjasında brent markalı neftin barreli 40,87 dollara, Nyu-York birjasında layt markalı neftin barreli 38,37 dollara satılır.
“AzəriLayt” markalı Azərbaycan neftinin barrelinə 42,41 dollar qiymət qoyulduğu bildirilir.
2020-ci ilin dövlət büdcəsində bir barrel neftin qiyməti 55 dollardan götürülüb. “AzəriLayt” yanvara 70,04, fevrala 62,15, marta 53,77, aprelə 19,43, maya 22,92, iyuna 38,14 dollarla başlayıb.
Beynəlxalq razılaşmaya görə, 2020-ci ilin may-iyul aylarında Azərbaycan gündəlik neft hasilatını 554 min barrel həcmində saxlamalıdır.
İyuldan sonra Azərbaycanın gündəlik hasilatı 587 min barrel, 2021-ci ilin yanvar ayından isə 620 min barrel olmalıdır.
