Ermənistanda yeni təyinatlar
Ermənistanda ciddi kadr dəyişiklikləri aparılıb. Novator.az-ın məlumatına görə, iyunun 8-də baş nazir Nikol Paşinyanın təqdimatlarını nəzərə alan prezident Armen Sərkisyan Silahlı Qüvvələrin Baş Qərargah rəisi Artak Davtyanı, Polis rəisi Arman Sərkisyanı, Milli Təhlükəsizlik Xidmətinin direktoru Eduard Martirosyanı vəzifələrindən azad edib.
Silahlı Qüvvələrin Baş Qərargah rəisi postuna Onik Qasparyan, Polis rəisi vəzifəsinə Vaqe Kazaryan, Milli Təhlükəsizlik Xidmətinin direktoru kürsüsünə Arqişti Karamyan təyinat alıblar.
Artak Davtyan 2018-ci il mayın 24-dən Silahlı Qüvvələrin Baş Qərargah rəisi idi.
Arman Sərkisyan Polis rəisi vəzifəsinə 2020-ci il martın 19-da gətirilmişdi
Eduard Martirosyan 2019-cu il sentyabrın 19-dan Milli Təhlükəsizlik Xidməti direktorunun səlahiyyətlərini icra etmiş, 2020-ci il martın 19-da direktor təyin olunmuşdu.
