Sahibkarlara dəstək statistikası
Koronavirus pandemiyasından zərər çəkmiş sahibkarlara dövlət maliyyə dəstəyi ilə bağlı yeni hesabat yayılıb.
İqtisadiyyat Nazirliyinin məlumatına görə, iyunun 2-nə muzdlu işçilərin əməkhaqqının müəyyən hissəsinin ödənməsi üçün 28 min 155 vergiödəyicisi, maliyyə dəstəyi almaq üçün 113 min 146 fərdi (mikro) sahibkar müraciət edib.
Hesabata əsasən, 23 min 464 vergiödəyicisinə 202 min 647 nəfər muzdlu işçinin əməkhaqqı üzrə 85,54 milyon manat vəsaitin köçürülməsi təmin olunub, 60,56 milyon manat vəsait isə 101 min 39 fərdi (mikro) sahibkarın bank hesabına köçürülüb.
