Elmi kadrlar hesabatı
Dövlət Statistika Komitəsi elmi kadrlar hesabatı yayıb. Novator.az bildirir ki, rəsmi açıqlamaya görə, 2020-ci ilin əvvəlinə ölkədə 119 ali təhsil müəssisəsi və elmi təşkilatda doktoranturalar fəaliyyət göstərib və 2850 nəfər təhsil alıb, onların 78,6 faizi fəlsəfə doktoru, 21,4 faizi elmlər doktoru proqramları üzrə oxuyub.
Hesabata əsasən, fəlsəfə doktoru proqramı üzrə təhsil alanların 50,6 faizi 30 yaşadək gənclər, elmlər doktoru proqramı üzrə təhsil alanların 30,1 faizi 40 yaşadək şəxslərdir.
Fəlsəfə doktoru proqramı üzrə 365 nəfər iqtisad, 310 nəfər filologiya, 265 nəfər texnika, 177 nəfər aqrar, 142 nəfər tibb, 116 nəfər riyaziyyat, qalanları elmin digər sahələri üzrə təhsil alır.
Doktorantlardan 102 nəfər filologiya, 83 nəfər aqrar, 60 nəfər tarix, 59 nəfər biologiya, 58 nəfər texnika, 51 nəfər iqtisad, 49 nəfər kimya, 21 nəfər tibb, 20 nəfər yer elmləri, 19 nəfər hüquq elmləri, 19 nəfər sənətşünaslıq, 70 nəfər digər sahələr üzrə oxuyur.
2019-cu ildə fəlsəfə doktoru proqramı üzrə buraxılış 2018-ci illə müqayisədə 30,4 faiz azalaraq 421 nəfər, elmlər doktoru proqramı üzrə 26,3 faiz artaraq 118 nəfər təşkil edib.
Fəlsəfə doktoru proqramı üzrə qəbul olanların sayı 4,8 faiz, elmlər doktoru proqramı üzrə qəbul olanların sayı 15,2 faiz azalaraq 633 və 140 nəfər həddində qərarlaşıb.
