Rəsmi maaş statistikası
2020-ci il aprelin 1-nə Azərbaycan iqtisadiyyatında muzdla çalışan işçilərin aylıq orta maaşı 744,5 manat olub. Novator.az Dövlət Statistika Komitəsinə istinadla bildirir ki, iqtisadi fəaliyyət növləri üzrə ən yüksək orta maaş mədən sənayesində qeydə alınıb – 3798,9 manat.
Maliyyə və sığorta fəaliyyəti sahəsində orta maaş 1707,6 manat; peşə fəaliyyəti, elmi və texniki fəaliyyət sahəsində 1145,7 manat; informasiya və rabitədə 1079,4 manat göstərilir.
Qalan sahələrdə rəsmi orta maaş göstəriciləri belədir:
dövlət idarəetməsi və müdafiə; sosial təminat – 938,4 manat;
nəqliyyat və anbar təsərrüfatı – 903,7 manat;
tikinti – 892,8 manat;
elektrik enerjisi, qaz və buxar istehsalı, bölüşdürülməsi və təchizatı – 692,7 manat;
emal sənayesi – 688,2 manat;
daşınmaz əmlakla əlaqədar əməliyyatlar – 715,4 manat;
ticarət; nəqliyyat vasitələrinin təmiri – 588,2 manat;
turistlərin yerləşdirilməsi və ictimai iaşə – 588 manat;
su təchizatı, tullantıların təmizlənməsi və emalı – 573,3 manat;
inzibati və yardımçı xidmətlərin göstərilməsi – 530,8 manat;
təhsil – 528,7 manat;
istirahət, əyləncə və incəsənət sahəsində fəaliyyət – 512,5 manat;
əhaliyə səhiyyə xidməti və sosial xidmətlərin göstərilməsi – 456,2 manat;
kənd təsərrüfatı, meşə təsərrüfatı və balıqçılıq – 424,9 manat;
digər sahələrdə xidmətlərin göstərilməsi – 685,9 manat.
Azərbaycanda minimum əməkhaqqı 250 manatdır.
