Bakıda orta maaş nə qədərdir?
2020-ci il aprelin 1-nə Azərbaycan paytaxtında muzdla işləyənlərin orta aylıq nominal əməkhaqqı 1022,9 manata çatıb. Novator.az bildirir ki, Bakı Şəhər Statistika İdarəsi belə hesabat yayıb.
Rəsmi məlumata görə, yanvar-aprel aylarında paytaxt sənayesində istehsal edilmiş malların və göstərilmiş xidmətlərin həcmi 10,6 milyard manat olub.
Qeyd olunur ki, dörd ayda tikinti müəssisələrinin yerinə yetirdiyi inşaat işlərinin 66,4 faizi tikinti, yenidənqurma və genişləndirmənin, 7,4 faizi əsaslı təmirin, 5,3 faizi cari təmirin, 20,9 faizi sair tikinti işlərinin payına düşüb.
Hesabata əsasən, yanvar-aprel aylarında ticarət dövriyyəsinin həcmi 2019-cu ilin müvafiq dövrü ilə müqayisədə 2,6 faiz, ictimai iaşə dövriyyəsi real ifadədə 27,5 faiz, əhaliyə göstərilən ödənişli xidmətlərin dəyəri real ifadədə 10,5 faiz azalıb.
Azalmalar koronavirus pandemiyasına görə tətbiq olunmuş məhdudiyyətlərdən doğub.
