Vətəndaşlıq qanunu necə yeniləndi?
Azərbaycan vətəndaşlığı qanununun 10-cu maddəsi yenilənib. Novator.az bildirir ki, prezident İlham Əliyevin imzası ilə rəsmiləşən dəyişiklik xarici dövlətin vətəndaşlığını qəbul etmiş Azərbaycan vətəndaşının bir ay müddətində bu barədə müvafiq icra hakimiyyəti orqanına yazılı məlumat verməsi tələbini saxlayır, amma belə məlumat verməmək cinayət məsuliyyəti yaratmır.
Yenilik 2020-ci il iyunun 1-dən qüvvəyə minir.
Qanuna əsasən, Azərbaycan vətəndaşı digər dövlətin də vətəndaşı olduqda onun xarici dövlətin vətəndaşlığına mənsubiyyəti Azərbaycanın beynəlxalq müqavilələrində nəzərdə tutulmuş və ya Azərbaycan Konstitusiyasının 109-cu maddəsinin 32-ci bəndinə müvafiq surətdə həll edilmiş hallar istisna olmaqla tanınmır.
Konstitusiyanın 109-cu maddəsinin 32-ci bəndi prezidentin Milli Məclisin və məhkəmə orqanlarının səlahiyyətlərinə aid edilməyən məsələləri icra qaydasında həll etmək səlahiyyətini nəzərdə tutur.
