Ələt azad iqtisadi zonası: fərman imzalandı
Mayın 22-də prezident İlham Əliyev Ələt azad iqtisadi zonasının və onun səlahiyyətli qurumunun yaradılmasına fərman verib.
Fərman Bakının Qaradağ rayonunun inzibati ərazisində yerləşən bəzi torpaqları Ələt azad iqtisadi zonasının ərazisi qismində müəyyən edir.
Prezident Nazirlər Kabinetinə “Bakı Beynəlxalq Dəniz Ticarət Limanı” Qapalı Səhmdar Cəmiyyətinə ayrılmış ərazinin Ələt azad iqtisadi zonasının ərazisinə daxil edilməsi üçün zəruri normativ hüquqi aktların layihələrini üç ay müddətində hazırlamağı tapşırıb.
Ələt azad iqtisadi zonasının müvəqqəti idarəetmə qurumunun ləğvi yer alan sənədə əsasən, səlahiyyətli qurumun təşkilati strukturunun müəyyən edilməsi ilə bağlı təkliflər on beş gün müddətində prezidentə təqdim olunmalıdır.
Ölkədə xüsusi iqtisadi zona yaradılır
Milli Məclis azad iqtisadi zona qanununa səs verdi
Ələt azad iqtisadi zonası: qanunda nələr var?
Azad zona qanunu hansı azadlıqlar verir?
