Bağlanan bankların əmanətçilərinə müraciət
Mayın 22-də Əmanətlərin Sığortalanması Fondu lisenziyaları ləğv olunan “AGBank” “NBCBank” banklarının əmanətçilərinə müraciət edib. Müraciətdə qeyd olunur ki, qorunan əmanətlər üzrə kompensasiyalar iki mərhələdə veriləcək: iyunun 16-dan 30 min manat ekvivalentinədək (30 min manat daxil olmaqla) olan əmanətlər üzrə kompensasiyalar; iyulun 15-dən 30 min manat ekvivalentindən yuxarı olan əmanətlər üzrə kompensasiyalar ödənəcək.
Əmanətçilərin ərizələri kompensasiya ödənişi haqqında bildirişin ilk dəfə dərc edildiyi gündən başlayaraq bir il ərzində qəbul edilir.
Qanuna görə, illik faiz dərəcəsi milli valyutada 10 faizdən, xarici valyutada 2,5 faizdən yüksək olmayan əmanətlər tam sığortalanıb. Əmanətlərin Sığortalanması Fondu 1 iyun 2020-ci ildən milli valyutada olan qorunan əmanətlər üzrə illik faiz dərəcəsini 12 faizə qaldırıb.
