“Talançılığa qarşı mübarizə əməldə aparılır”
Prezident İlham Əliyev mayın 21-də Seymur Orucovu Ağstafa Rayon İcra Hakimiyyətinin, Elçin Rzayevi İmişli Rayon İcra Hakimiyyətinin başçısı vəzifələrinə təyin olunmaları ilə əlaqədar videoformatda qəbul edib.
AZƏRTAC xəbər verir ki, dövlət başçısı çıxışında Ağstafa və İmişli rayonlarının keçmiş icra başçılarının həbs olunduğunu xatırladıb: “İstintaq gedir və hüquq mühafizə orqanları hər şeyi müəyyən edəcək. Ağstafa və İmişli rayonlarında icra hakimiyyəti başçılarının etdiyi pozuntular digər rayonlarda da mövcud olub və bir neçə icra hakimiyyəti başçısı artıq istintaqa cəlb edilib. Bu bir daha onu göstərir ki, Azərbaycanda korrupsiyaya, rüşvətxorluğa, talançılığa qarşı mübarizə sözdə yox, əməldə aparılır və bu mübarizə bundan sonra da aparılacaq. İndi həm yerli, həm də mərkəzi icra orqanlarının fəaliyyəti araşdırılır və yol verilmiş bütün pozuntular üzə çıxacaq.
Azərbaycanda korrupsiyaya, rüşvətxorluğa qarşı mübarizə amansız aparılmalıdır. Bu məsələ ilə bağlı mən öz fikirlərimi bildirmişdim, bir daha demək istəyirəm ki, Azərbaycanın uğurlu inkişafı, ölkəmizin dayanıqlı inkişafı üçün xoşagəlməz hallara son qoyulmalıdır. Siz də rəhbərlik edəcəyiniz rayonlarda bütün xoşagəlməz hallara qarşı öz işinizlə ciddi mübarizə aparmalısınız. Korrupsiyanın, rüşvətxorluğun, talançılığın kökü kəsilməlidir. Bu sahədə sizin dövlətdən böyük dəstəyiniz olacaq, eyni zamanda geniş ictimaiyyəti də bu işlərə cəlb edin. Çünki ictimai nəzarət xoşagəlməz hallara qarşı mübarizədə çox önəmli amildir. Mən şadam ki, son müddət ərzində ictimai nəzarət mexanizmləri təkmilləşir. Birinci növbədə siz vəziyyəti təhlil etməlisiniz və insanları narahat edən problemləri həll etməlisiniz. Sizin həll etməyə gücünüz çatmayan məsələlər barədə müvafiq mərkəzi icra orqanlarına məlumat verin ki, bu məsələlər operativ şəkildə öz həllini tapsın”.
İcra başçısı, müavini və sabiq başçı tutulub
Nizaməddin Quliyevin sərəncamı verildi
Dövlət Təhlükəsizliyi Xidmətindən Neftçala açıqlaması
Əməliyyat keçirilən rayonun başçısı postdan götürüldü
Neftçala həbslərindən rəsmi məlumat
Biləsuvarın icra başçısı postdan getdi
DTX Biləsuvarda keçirdiyi əməliyyat barədə açıqlama yayıb
İmişlinin icra başçısı postdan götürüldü
Vilyam Hacıyevin həbsi ilə bağlı rəsmi məlumat
Mədəniyyət Nazirliyindəki həbslərlə bağlı rəsmi açıqlama
