Operativ qərargahın 21 may məlumatı
Nazirlər Kabineti yanında operativ qərargahın mayın 21-də yaydığı məlumata görə, ölkədə daha 118 nəfər koronavirus infeksiyasına yoluxub, 87 nəfər sağalaraq xəstəxanadan buraxılıb, 1956-cı il təvəllüdlü bir xəstə vəfat edib.
Rəsmi hesabatda ümumən 3749 nəfərin koronavirusa yoluxduğu, onların 2340-nın müalicə olunaraq sağaldığı, 44-nün dünyasını dəyişdiyi, 1365-nin xəstəxanalarda olduğu bildirilir.
2019-cu ilin dekabrında Çində üzə çıxaraq 215 ölkə, ərazi və məkana yayılan koronavirus xəstəliyi 330 mindən çox adamın həyatına son qoyub.
