Neft: hasilat, ixrac, qiymət
2020-ci ilin yanvar-aprel aylarında Azərbaycanda 12,4 milyon ton neft (kondensatla birlikdə) hasil edilib, hasilat ötən ilin eyni dövrü ilə müqayisədə təxminən 11 min ton çox olub. Novator.az-ın məlumatına görə, Energetika Nazirliyi mayın 21-də belə hesabat yayıb.
4 ayda 10,2 milyon ton neftin (kondensatla birlikdə) ixrac edildiyi, bunun 2019-cu ilin yanvar-aprel aylarına nəzərən 106 min ton az olduğu vurğulanır.
Başqa bir məlumata əsasən, London birjasında brent markalı neftin barreli 36,55 dollara, Nyu-York birjasında layt markalı neftin barreli 34,27 dollara satılır.
Azərbaycan nefti “AzəriLayt”ın barrelinə 36,11 dollar qiymət qoyulduğu bildirilir.
2020-ci ilin dövlət büdcəsində bir barrel neftin qiyməti 55 dollardan götürülüb. “AzəriLayt” yanvara 70,04, fevrala 62,15, marta 53,77, aprelə 19,43, maya 22,92 dollarla başlayıb.
Beynəlxalq razılaşmaya əsasən, mayın 1-dən Azərbaycanın gündəlik neft hasilatı 554 min barrel, iyulun 1-dən 587 min barrel, 2021-ci il yanvarın 1-dən 620 min barrel olmalıdır.
