Yük daşımaları da azalıb
2020-ci ilin yanvar-mart aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi ötən ilin ilk rübü ilə müqayisədə 0,3 faiz, yük dövriyyəsi 1 faiz azalıb. Dövlət Statistika Komitəsinin məlumatına görə, yüklərin 64,3 faizi avtomobil nəqliyyatı, 25,7 faizi dəmir yolu nəqliyyatı, 10 faizi dəniz nəqliyyatı ilə daşınıb.
Novator.az bildirir ki, rəsmi makroiqtisadi hesabata əsasən, yanvar-aprel aylarında nəqliyyat sektorunda ötən ilin ilk dörd ayına nəzərən yük daşınması üzrə 4,1%, sərnişin daşınması üzrə 18,9% azalma qeydə alınıb.
Sərmayə qoyuluşunda düşmə 0,5%, pərakəndə ticarət dövriyyəsində 1,9%, əhaliyə göstərilən ödənişli xidmətlərdə 9,7% göstərilib.
Başqa bir hesabata görə, yanvar-mart aylarında xarici ticarət dövriyyəsi faktiki qiymətlərlə 16 faiz, real ifadədə 15,8 faiz, o cümlədən idxal 32,9 faiz, ixrac 4,8 faiz azalıb.
