Qəza statistikası
2020-ci ilin yanvar-mart aylarında 421 və ya ötən ilin eyni dövrü ilə müqayisədə 12,6 faiz çox yol-nəqliyyat hadisəsi baş verib, hadisələrdə zərər çəkən şəxslərin sayı 15,5 faiz artaraq 559 nəfər olub, onların 181-i həyatını itirib, 378-i xəsarət alıb. Novator.az-ın məlumatına görə, Dövlət Statistika Komitəsi belə hesabat yayıb.
Rəsmi statistikaya əsasən, yol-nəqliyyat hadisələrində həlak olanların 80,1 faizi, xəsarət alanların 70,6 faizi kişilərdir.
Üç ay üzrə yol hərəkəti qaydaları əleyhinə aşkarlanmış inzibati xətaların sayı 841,7 min, qaydaların pozulmasına görə cərimələrin ümumi məbləği 25,4 milyon manat göstərilir.
