Saatlının icra başçısı işdən çıxarıldı
Mayın 16-da sərəncam imzalayan prezident İlham Əliyev Nazim Mehdi oğlu İsmayılovu Saatlı Rayon İcra Hakimiyyətinin başçısı vəzifəsindən azad edib.
Novator.az bildirir ki, Nazim İsmayılov 1952-ci ildə Göyçayın Kürdşaban kəndində doğulub. Azərbaycan Neft və Kimya İnstitutunu və Bakı Sosial İdarəetmə və Politologiya İnstitutunu bitirib.
Göyçay Rayon Partiya Komitəsində təlimatçı, şöbə müdiri vəzifələrində çalışıb, Göyçay Rayon Xalq Nəzarəti Komitəsinin sədri, Göyçay Rayon Partiya Komitəsinin katibi, Göyçay Rayon Xalq Deputatları Sovetinin sədr müavini postlarını tutub.
Göyçay Rayon İcra Hakimiyyəti başçısının birinci müavini (iki dəfə), Göyçayın, Şamaxının, Sabirabadın icra başçısı olub.
17 may 2019-cu ildən Saatlı Rayon İcra Hakimiyyətinin başçısı idi.
Yeni Azərbaycan Partiyası Siyasi Şurasının üzvüdür.
