Yaxın ölkələrlə alış-veriş
Novator.az Azərbaycanın yaxın ölkələrlə 2020-ci ilin yanvar-aprel ayları üzrə rəsmi ticarət statistikasına nəzər salıb.
Dövlət Gömrük Komitəsinin hesabatına görə, dörd ayda Azərbaycan Türkiyəyə 1 milyard 12,2 milyon dollarlıq məhsul ixrac edib.
Rusiyaya 193,5 milyon dollarlıq, Ukraynaya 171,8 milyon dollarlıq, Gürcüstana 160,1 milyon dollarlıq, Belarusa 50,3 milyon dollarlıq, İrana 10,5 milyon dollarlıq, Qazaxıstana 10,1 milyon dollarlıq, Türkmənistana 5,2 milyon dollarlıq, Moldovaya 3,1 milyon dollarlıq, Özbəkistana 2,9 milyon dollarlıq, Litvaya 1,2 milyon dollarlıq, Qırğızıstana 621,2 min dollarlıq, Estoniyaya 467 min dollarlıq, Tacikistana 186,7 min dollarlıq, Latviyaya 143,9 min dollarlıq ixrac qeydə alınıb.
Yanvar-aprel aylarında Azərbaycan Rusiyadan 610,4 milyon dollarlıq mal alıb.
Türkiyədən Azərbaycana 503 milyon dollarlıq, Ukraynadan 146,2 milyon dollarlıq, İrandan 95 milyon dollarlıq, Türkmənistandan 45,2 milyon dollarlıq, Belarusdan 39,9 milyon dollarlıq, Qazaxıstandan 26,4 milyon dollarlıq, Özbəkistandan 21,5 milyon dollarlıq, Gürcüstandan 19,3 milyon dollarlıq məhsul göndərilib.
Digər yaxın ölkələrdən idxal göstəriciləri belə rəsmiləşib:
Litva – 4,4 milyon dollar
Latviya – 3,5 milyon dollar
Moldova – 1,5 milyon dollar
Qırğızıstan – 1,2 milyon dollar
Estoniya – 1 milyon dollar
Tacikistan – 1,6 min dollar.
