Operativ qərargahın 15 may məlumatı
Azərbaycanda daha 101 nəfər koronavirus infeksiyasına yoluxub, 53 nəfər sağalaraq xəstəxanadan buraxılıb, 1977-ci il təvəllüdlü bir xəstə vəfat edib. Nazirlər Kabineti yanında operativ qərargah mayın 15-də belə məlumat yayıb.
Rəsmi hesabata görə, ümumən 2980 nəfərin koronavirusa yoluxması müəyyən edilib, onların 1886-sı müalicə olunaraq sağalıb, 36-sı vəfat edib, 1058-i xəstəxanalardadır.
2019-cu ilin dekabrında Çində üzə çıxan koronavirus xəstəliyi 213 ölkə və əraziyə yayılıb, 304 mindən çox adam ölüb.
Azərbaycanda infeksiyanı cilovlamaq məqsədilə sərhədlər qapadılıb, təhsil ocaqları bağlanıb, ictimai iaşəyə, ticarətə, ölkə ərazisində gediş-gəlişə, ictimai nəqliyyatın hərəkətinə, insanların evdən çıxmasına məhdudiyyətlər tətbiq olunub, bütün kütləvi tədbirlər, o cümlədən idman yarışları, toy və şənlik məclisləri, dəfn çıxılmaqla yas mərasimləri yasaqlanıb.
