Miqrasiya: pozuntu və cəzalar açıqlanıb
Dövlət Miqrasiya Xidməti 2020-ci ilin aprel ayı üzrə statistik məlumatlar yayıb. Rəsmi hesabatda qeyd olunur ki, apreldə verilən 122 qərar ölkə hüdudlarından kənara inzibati qaydada çıxarılmamaqla cəriməni nəzərdə tutub, bu qərarların 52-də həmçinin ölkə ərazisini tərk etmə tələbi yer alıb.
Ölkə ərazisinə girişə məhdudiyyət qoyan 300 qərarın 5-də ölkədən inzibati qaydada çıxarılmaqla cərimə tətbiqi rəsmiləşib.
Ay ərzində müvəqqəti olma müddətinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, eləcə də vətəndaşlıq mənsubiyyətinin və qaçqın statusunun müəyyənləşdirilməsi, həmçinin əmək fəaliyyətinin həyata keçirilməsi üçün iş icazəsinin alınması və müddətinin uzadılması ilə bağlı 24565 müraciət daxil olub, olduğu yer üzrə qeydiyyatla bağlı 1875 əcnəbi və vətəndaşlığı olmayan şəxsin müraciəti qeydə alınıb.
