Nazirlikdə təyinatlar
İqtisadiyyat Nazirliyi yeni kadr təyinatları barədə açıqlama yayıb.
Rəsmi məlumata görə, Əliyev Elnur Aydın oğlu iqtisadiyyat nazirinin müavini vəzifəsinə təyin edilib.
Nəzərli Orxan Faiq oğlu, Musayeva Samirə Fəxrəddin qızı, Vəliyev İlkin Etibar oğlu Dövlət Vergi Xidmətinin rəis müavini vəzifələrini tutublar.
Eynullayev Mətin Balasən oğlu, Yusubov Elçin Mustafa oğlu, Şahbazov Rüstəm Adıgözəl oğlu, Cəlilov Rafiq Əsgər oğlu Əmlak Məsələləri Dövlət Xidmətinin rəis müavini vəzifələrinə təyinat alıblar.
Məmmədov Sahib Əli oğlu Antiinhisar və İstehlak Bazarına Nəzarət Dövlət Xidmətinə rəis müavini vəzifəsinə gətirilib. O, rəis səlahiyyətlərini də icra edəcək.
Novator.az bildirir ki, 2019-cu il oktyabrın 23-də Vergilər Nazirliyi, Əmlak Məsələləri Dövlət Komitəsi və Antiinhisar və İstehlak Bazarına Nəzarət Dövlət Agentliyi İqtisadiyyat Nazirliyinin strukturuna daxil edilib.
Prezidentin 12 may 2020-ci il fərmanı ilə Dövlət Vergi Xidmətinin; Əmlak Məsələləri Dövlət Xidmətinin; Antiinhisar və İstehlak Bazarına Nəzarət Dövlət Xidmətinin əsasnamələrini təsdiqlənib.
Ötən il oktyabrın 23-dən iqtisadiyyat naziri vəzifəsini Mikayıl Cabbarov tutur.
1976-cı ildə doğulan Mikayıl Cabbarov əvvəllər Azərbaycanda İxracın və İnvestisiyaların Təşviqi Fondunun prezidenti, iqtisadi inkişaf nazirinin müavini, Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsinin rəisi, təhsil naziri, vergilər naziri olub.
