Naxçıvanın baş naziri vəzifəsindən azad edildi
Mayın 14-də Naxçıvan Muxtar Respublikası Ali Məclisinin sədri Vasif Talıbov Əlövsət Baxşıyevin muxtar respublikanın baş naziri vəzifəsindən azad edilməsi haqda fərman imzalayıb.
Novator.az bildirir ki, Əlövsət Qəzənfər oğlu Baxşıyev 1956-cı ildə Şərur rayonunun Kərimbəyli kəndində doğulub. 1977-ci ildə Azərbaycan Xalq Təsərrüfatı İnstitutunu bitirib. Naxçıvanda kommunal təsərrüfatı sahəsində, üzümçülük sovxozunda, Aqrar Sənaye Biriyində, indiki Babək rayonunun Xalq Deputatları Sovetində müxtəlif vəzifələrdə işləyib.
1994-1998-ci illərdə Naxçıvan Muxtar Respublikasının maliyyə naziri, 1998-2000-ci illərdə maliyyə-iqtisadiyyat naziri vəzifələrində çalışıb.
Əlövsət Baxşıyev 2000-ci il fevralın 11-dən Naxçıvan Muxtar Respublikasının baş naziri idi.
