İxrac-idxal dinamikası
Novator.az Azərbaycanın 2020-ci ilin ilk dörd ayındakı ixrac-idxal dinamikasına nəzər salıb.
Dövlət Gömrük Komitəsinin hesabatına görə, yanvar-aprel aylarında Azərbaycanın xarici ticarət dövriyyəsi 9,6 milyard dollar həddində rəsmiləşib. Yanvarın dövriyyəsi 2,8 milyard dollar, fevralın dövriyyəsi 2,1 milyard dollar, martın dövriyyəsi 1,8 milyard dollar, aprelin dövriyyəsi 2,8 milyard dollar göstərilib.
İlk ayda 2,1 milyard dollarlıq ixrac qeydə alınıb. Fevralda ixrac 1,1 milyard dollar, martda 957,3 milyon dollar, apreldə 2 milyard 99,9 milyon dollar olub.
Dövlət Gömrük Komitəsinin yanvar hesabatında 720, 9 milyon dollarlıq idxal yer alıb, fevralda idxal 1 milyard 66,5 milyon dollar, martda 849,4 milyon dollar, apreldə 744,4 milyon dollar dəyərində qərar tutub.
