General və başqa yüksək rütbəli hərbi qulluqçular həbs olunub
Dövlət Sərhəd Xidmətinin rəis müavini general-leytenant Əfqan Nağıyev həbs olunub.
Eyni zamanda Dövlət Sərhəd Xidmətinin başqa yüksək rütbəli hərbi qulluqçuları və mülki şəxslər şübhəli şəxs qismində saxlanıb.
Həbs edilənlərlə bağlı cinayət işinin istintaqı Baş Prokuror yanında Korrupsiyaya Qarşı Mübarizə Baş İdarəsində aparılır.
Həbslər Dövlət Təhlükəsizliyi Xidmətinin və Baş Prokurorluğun Dövlət Sərhəd Xidmətinin Sahil Mühafizəsində keçirdiyi birgə əməliyyat-istintaq tədbirləri nəticəsində reallaşıb.
Dövlət Təhlükəsizliyi Xidmətinin və Baş Prokurorluğun mayın 14-də bu məsələ ilə bağlı yaydığı birgə məlumatda həbs edilənlərdən Əfqan Nağıyevin adı açıqlansa da, digərlərinin adları göstərilməyib.
Məlumatda deyilir ki, araşdırmalar davam etdirilir, ictimaiyyətə əlavə açıqlama veriləcək.
