Yeni rektor
Mayın 12-də prezident İlham Əliyev Aqil Şirinovun Azərbaycan İlahiyyat İnstitutunun rektoru təyin edilməsi haqda sərəncam imzalayıb.
Aqil Muxtar oğlu Şirinov 1979-cu ildə Kəlbəcərdə anadan olub. 2001-ci ildə Bakı Dövlət Universitetinin ilahiyyat fakültəsini bitirib. Türkiyənin Mərmərə Universitetində magistr dərəcəsinə yiyələnib. 2008-ci ildən Bakı Dövlət Universitetində müəllim işləyib. 2018-ci ilin sentyabrından Azərbaycan İlahiyyat İnstitutunun elm və innovasiyalar üzrə prorektoru olub.
İlahiyyat üzrə fəlsəfə doktorudur. İngilis, ərəb, fars, rus və türk dillərini bilir.
Fəlsəfə və islam məzhəbləri tarixi sahəsində bir sıra kitab və məqalələrin müəllifidir.
Novator.az xatırladır ki, İlahiyyat İnstitutunun əvvəlki rektoru Ceyhun Məmmədov olub. O, bu ilin fevralında keçirilən parlament seçkisində Milli Məclisin deputatı seçildiyinə görə martın 9-da rektor vəzifəsindən azad edilib.
