Jurnalistin cəzası başa çatdı
7gun.az saytının müxbiri Natiq İsbatov azadlığa çıxıb.
Novator.az xəbər verir ki, Natiq İsbatov aprelin 9-da Abşeron rayonunda tutulmuşdu. Abşeron Rayon Məhkəməsi ona 30 sutka inzibati həbs cəzası vermişdi.
Mayın 9-da cəza müddəti başa çatdığına görə Natiq İsbatov azadlığa buraxılıb.
7gun.az saytının redaksiyası məhkəmənin epidemiya əleyhinə karantin qaydalarını pozmaqda və polisin qanuni tələbinə qəsdən tabe olmamaqda təqsirli bildiyi jurnalistin əslində peşə fəaliyyətini icra edərkən tutulduğunu bəyan edir.
