Yupiterin yeni fotoları üzə çıxıb
2016-cı ildən “Yuno” kosmik gəmisi Yupiterin atmosferinə göz gəzdirərək onun maqnit və cazibə olan hissələrinin xəritələrini çəkib.
Novator.az xəbər verir ki, bu gəmidə qütbləri və əvvəl yaxşı lentə alınmamış nəhəng qaz sahələrini çəkmək üçün lazımi kamera var.
“Yuno”nu ərsəyə gətirənlərdən biri Kandise Hansen Koharçek mediaya açıqlamasında deyib ki, əslində şəkilləri çəkmək işinə alimlər qrupu baxmalıdır, amma onların belə bir qrupu yoxdur. Buna görə də Kandise Hansen Koharçek ictimaiyyətdən kömək istəyib. O bildirib ki, həvəskar astronomlar “Yuno”dakı kameranı idarə etməyə yardım göstərirlər. Onlar proqramlaşdırmanı elə aparırlar ki, kamera lazımi anda Yupiteri çəkə bilsin.
NASA-nın Kaliforniyadakı mərkəzində proqram mühəndisi işləyən Kevin Gill də “Yuno”ya kömək edir. O, məlumatları vizuallaşdırır, görüntülərin üzərində işləyir. Kandise Hansen Koharçek bildirib ki, Kevin Gill bu işi elmə məhəbbətindən edir.
“Yuno”nun kamerası qırmızı, göy, yaşıl rəngləri seçən, eləcə də metan qazını qeydə alan süzgəclərlə təchiz olunub.
İlkin Nizami
