Operativ qərargahın 7 may məlumatı
Nazirlər Kabineti yanında operativ qərargahın mayın 7-də yaydığı məlumata əsasən, Azərbaycanda daha 77 nəfər koronavirus infeksiyasına yoluxub, 28 nəfər sağalaraq xəstəxanadan buraxılıb.
Rəsmi hesabata görə, indiyədək ölkədə 2204 nəfərin koronavirusa yoluxması bilinib, onların 1551-i müalicə olunaraq sağalıb, 28-i dünyasını dəyişib.
Hazırda xüsusi rejimli xəstəxanalarda 625 nəfər var.
2019-cu ilin dekabrında Çində üzə çıxan koronavirus xəstəliyi 212 ölkə və əraziyə yayılıb, 265 mindən çox adam ölüb.
Azərbaycanda infeksiyanı cilovlamaq məqsədilə sərhədlər qapadılıb, təhsil ocaqları, mədəniyyət və idman obyektləri bağlanıb, ictimai iaşə və ticarət sektorlarında, ölkə ərazisində gediş-gəlişə, ictimai nəqliyyatın hərəkətinə, insanların evdən çıxmasına məhdudiyyətlər tətbiq olunub, toy və şənlik məclisləri, dəfn çıxılmaqla yas mərasimlərinin keçirilməsi yasaqlanıb.
