Azərbaycan avtoritar ölkələr siyahısında
“Freedom House” beynəlxalq hüquq müdafiə təşkilatı keçid dövründə olan keçmiş SSRİ məkanı və Şərqi Avropa ölkələrini əhatə edən demokratiya hesabatı yayıb. Novator.az-ın məlumatına görə, mərkəzi qərargahı ABŞ-da olan qurum ölkələri beş qrupa bölüb.
Azərbaycan avtoritar ölkələr siyahısında gedir. Bu qrupda Belarus, Rusiya, Qazaxıstan, Qırğızıstan, Özbəkistan, Türkmənistan və Tacikistan da var.
Ermənistan yarı avtoritar ölkə kimi göstərilir.
Serbiya, Monteneqro, Bosniya və Herseqovina, Şimali Makedoniya, Kosovo, Albaniya, Macarıstan, Ukrayna, Moldova və Gürcüstan hibrid rejimlər (yarı avtoritar, yarı demokratik) kimi qeyd olunur.
Qismən demokratik ölkələr qrupunda Xorvatiya, Bolqarıstan, Rumıniya, Polşa yer alır.
Sloveniya, Çexiya, Slovakiya, Estoniya, Latviya və Litva demokratik ölkələr qrupuna düşüb.
