30 dollar həndəvərində
“AzəriLayt” markalı Azərbaycan neftinin barreli 29,54 dollara yüksəlib. Xəbəri mayın 6-da Energetika Nazirliyi yayıb.
Rəsmi açıqlamaya görə, London birjasında brent markalı neftin barreli 30,90 dollara, Nyu-York birjasında layt markalı neftin barreli 24,48 dollara satılır.
Novator.az bildirir ki, Azərbaycanın 2020-ci il büdcəsində bir barrel neftin qiyməti 55 dollardan götürülüb. “AzəriLayt” yanvara 70,04, fevrala 62,15, marta 53,77, aprelə 19,43, maya 22,92 dollarla başlayıb.
Beynəlxalq razılaşmaya əsasən, mayın 1-dən Azərbaycanın gündəlik neft hasilatı 554 min barrel, iyulun 1-dən 587 min barrel, 2021-ci ilin yanvarından 620 min barrel olmalıdır.
