Manatın dollar xərci 3,3 milyardı keçdi
Dövlət Neft Fondu Mərkəzi Bankın 2020-ci ilin aprel ayında keçirdiyi valyuta hərraclarında 531,1 milyon ABŞ dolları məbləğində vəsait satıb. Rəsmi açıqlama mayın 1-də yayılıb.
Novator.az bildirir ki, yanvar-aprel aylarının valyuta hərraclarında Dövlət Neft Fondundan ümumilikdə 3 milyard 303 milyon dollar məbləğində vəsait alınıb.
Yanvarın hərraclarında fond 300,2 milyon dollar, fevralın hərraclarında 543,4 milyon dollar, martın hərraclarında 1 milyard 928,3 milyon dollar sərf edib.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
2015-ci ilin devalvasiyaları nəticəsində dolların rəsmi kursu 0,7844 manatdan 1,5594 manata qalxıb.
2016-cı ildə rəsmi qiymət 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.
