Biləsuvarın icra başçısı postdan getdi
Aprelin 30-da sərəncam imzalayan prezident İlham Əliyev Mahir Hacı oğlu Quliyevi Biləsuvar Rayon İcra Hakimiyyətinin başçısı vəzifəsindən azad edib.
Novator.az bildirir ki, 1958-ci il təvəllüdlü Mahir Quliyev kəlbəcərlidir. Səbail bələdiyyəsi sədrinin müavini, Astara Rayon İcra Hakimiyyətinin başçısı olub.
Biləsuvar Rayon İcra Hakimiyyətinin başçısı vəzifəsini 26 aprel 2011-ci ildən tuturdu.
Mahir Quliyev prezidentin sədrlik etdiyi hakim Yeni Azərbaycan Partiyasının üzvüdür.
