4 dekabr 2020-ci ilədək…
Prezident İlham Əliyev “Əmanətlərin tam sığortalanması haqqında” qanunda yeniliyi imzalayıb.
Novator.az bildirir ki, 2016-cı ilin martından tətbiq olunan qanunla illik faiz dərəcəsi milli valyutada 15 faizdən, xarici valyutada 3 faizdən yüksək olmayan əmanətlər 3 il müddətinə tam sığortalanıb, sonra müddət daha 1 il uzadılıb.
2019-cu il iyulun 1-dən qanun illik faiz dərəcəsi milli valyutada 10 faizdən, xarici valyutada 2,5 faizdən yüksək olmayan əmanətlərə şamil edilib.
Milli Məclisin 13 mart 2020-ci il iclasında sığortalanma müddətinin daha 9 ay uzadılması barədə layihə qəbul edilib. Ölkə prezidentinin aprelin 25-də imzaladığı bu yenilik illik faiz dərəcəsi milli valyutada 10 faizdən, xarici valyutada 2,5 faizdən yüksək olmayan əmanətlərin tam sığortalanması müddətini 4 dekabr 2020-ci ilədək uzadır.
Mərkəzi Bankın hesabatına görə, 2020-ci il martın 1-nə ölkədə 8 milyard 694,4 milyon manatlıq əmanət rəsmiləşib.
