İş və işsizlik hesabatı
Dövlət Statistika Komitəsi məşğulluq və işsizlik hesabatı yayıb. Novator.az bildirir ki, rəsmi açıqlamaya görə, 2020-ci il aprelin 1-nə Azərbaycanda iqtisadi fəal əhalinin sayı 5 milyon 191,5 min nəfər olub, onların 4 milyon 936,4 min nəfərini məşğul əhali təşkil edib.
Hesabatda martın 1-nə muzdla işləyənlərin sayı 1 milyon 641,5 min nəfər göstərilir: “İqtisadiyyatın neft-qaz sektorunda 34,6 min nəfər, qeyri neft-qaz sektorunda 1 milyon 606,9 min nəfər çalışıb.
Məşğulluq xidməti orqanları aprelin 1-nə 100,8 min nəfəri işsiz kimi qeydiyyata alıb, işsizlikdən sığorta ödənişinin orta aylıq məbləği 309 manat olub.
Yanvar-mart ayları ərzində statistik vahidlərin (fərdi sahibkarlar istisna olmaqla) sayı 1,9 faiz artaraq 149 min 51-ə çatıb.
Yeni yaradılmış statistik vahidlərin 97,4 faizi xüsusi mülkiyyətli (o cümlədən 25,4 faizi tam xarici investisiyalı, 2,2 faizi birgə mülkiyyətli), 2,6 faizi dövlət mülkiyyətli müəssisələrin payına düşüb.
Aprelin 1-nə hüquqi şəxs yaratmadan sahibkarlıq fəaliyyəti ilə məşğul olmaq üçün qeydiyyatdan keçmiş fərdi sahibkarların sayı 927,8 mini keçib”.
