Gürcüstan əcnəbilərin ölkədə qalmaq müddətini uzatdı
Mart ayının 14-nə qədər Gürcüstana gəlmiş və koronavirus pandemiyası ilə bağlı məhdudiyyətlər üzündən geri dönə bilməyən əcnəbilərin ölkədə qalmaq müddəti iyunun 30-na qədər uzadılıb. Novator.az-ın məlumatına görə, hökumət aprelin 17-də belə qərar verib.
Qərar koronavirus sarıdan yüksək risk ölkələrinin, sərhədi keçməyə məhdudiyyətlər qoymuş ölkələrin vətəndaşlarını, xəstəxanada, karantində, özünütəcriddə olmuş, aviareyslərin təxirə salınması üzündən gedə bilməyən şəxsləri əhatə edir.
2019-cu ilin dekabrında Çində üzə çıxan, pnevmoniyanın yeni növü olan koronavirus xəstəliyi 210 ölkə və əraziyə yayılıb, 147 mindən çox şəxs ölüb.
Gürcüstanda 370 yoluxma halı qeydə alınıb, 3 nəfər dünyasını dəyişib.
Ölkədə martın 21-dən aprelin 21-dək fövqəladə vəziyyət rejimi qüvvədədir, həmçinin aviareyslər dayandırılıb. Fövqəladə vəziyyət rejiminin mayın 10-dək uzadılması gözlənir.
Səidə Hüseynova
