![]({"full":{"0":"2019\/06\/Neft-Fondu.jpg","1":750,"2":519,"3":false,"file":"https:\/\/novator.az\/wp-content\/uploads\/2019\/06\/Neft-Fondu.jpg"}})
Dövlət Neft Fondunun (DNF) rəsmi hesabatına görə, 2020-ci ilin yanvar-mart aylarında neft və qaz sazişləri üzrə 3 milyard 772,1 milyon manat gəlir əldə edilib.
Qeyd olunur ki, valyuta bazarında 2 milyard 771,8 milyon ABŞ dolları məbləğində xarici valyuta satılıb, bunun müqabilində 4 milyard 712,1 milyon manat vəsait alınıb, dövlət büdcəsinə 4 milyard 631 milyon manat köçürülüb.
Məcburi köçkün ailələri üzrə tədbirlərə 60,9 milyon manatın, fondun idarə edilməsi ilə bağlı xərclərə 5,9 milyon manatın yönəldildiyi bildirilir.
Valyuta məzənnələrinin dəyişməsindən yaranan fərq üzrə büdcədənkənar xərc 281,1 milyon manat göstərilir.
Hesabata əsasən, birinci rübün sonuna DNF-nin aktivləri 41 milyard 349,5 milyon ABŞ dollarına bərabər olub.
Novator.az bildirir ki, rəsmi hesabata görə, vəsaitlərin xarici valyutalar üzrə bölgüsü belədir:
ABŞ dolları – 66% (bunun 12,8%-i qızıl investisiyalardır)
avro – 22,9%
İngiltərə funt sterlinqi – 4,8%
yapon yeni – 1,5%
Çin yuanı – 1,2%
Türkiyə lirəsi – 0,8%
Avstraliya dolları – 0,5%
Cənubi Koreya vonu – 0,5%
Rusiya rublu – 0,5%
digər valyutalar – 1,3%.
İnvestisiya portfelinin 68,7%-i istiqrazlar və pul bazarının, 12,4%-i səhmlərin, 6,1%-i daşınmaz əmlakın, 12,8%-i qızılın payına düşür.