Rəsmi ixrac-idxal göstəriciləri
Novator.az Azərbaycanın 2020-ci ilin ilk üç ayındakı ixrac-idxal dinamikasına nəzər salıb.
Dövlət Gömrük Komitəsinin rəsmi hesabatına görə, yanvar-mart aylarında Azərbaycanın xarici ticarət dövriyyəsi 6,8 milyard dollar həddində rəsmiləşib. Yanvarın dövriyyəsi 2,8 milyard dollar, fevralın dövriyyəsi 2,2 milyard dollara yaxın, martın dövriyyəsi 1,8 milyard dollar göstərilib.
İlk ayda 2,1 milyard dollarlıq ixrac qeydə alınıb. Fevralda ixrac 1,1 milyard dollara, martda 957,3 milyon dollara düşüb.
Dövlət Gömrük Komitəsinin yanvar hesabatında 720, 9 milyon dollarlıq idxal yer alıb, fevralda idxal 1 milyard 66,5 milyon dollara yüksəlib, martda 849,4 milyon dollara enib.
