Orta maaş 28,4 faiz artıb
Dövlət Statistika Komitəsi yeni hesabatlar yayıb. Novator.az bildirir ki, rəsmi açıqlamaya görə, 2020-ci il martın 1-nə Azərbaycan iqtisadiyyatında muzdla çalışan işçilərin sayı 1 milyon 641,5 min nəfər olub, onların 911,4 min nəfəri dövlət sektorunda, 730,1 min nəfəri qeyri-dövlət sektorunda fəaliyyət göstərib.
Muzdla çalışan işçilərin orta aylıq nominal əməkhaqqının yanvar-fevral aylarında əvvəlki ilin eyni dövrünə nisbətən 28,4 faiz artaraq 712,3 manata çatdığı vurğulanır.
Başqa bir hesabata əsasən, 2020-ci ilin yanvar-mart aylarında sənaye sektorunda 10,6 milyard manatlıq və ya 2019-cu ilin müvafiq dövrü ilə müqayisədə 0,8 faiz çox məhsulu istehsal olunub, sənayenin qeyri neft-qaz sektorunda məhsul istehsalı 23 faiz artıb.
