Bahalaşma faizi və…
Dövlət Statistika Komitəsi makroiqtisadi göstəriciləri açıqlayıb. Novator.az bildirir ki, rəsmi məlumata görə, 2020-ci ilin yanvar-mart aylarında ümumi daxili məhsul ötən ilin eyni dövrü ilə müqayisədə 1,1% artaraq 18 milyard 321,1 milyon manata çatıb.
Adambaşına ümumi daxili məhsul 1840,2 manat göstərilir.
Sərmayə qoyuluşunda 6,5%, kənd təsərrüfatında 3,7% yüksəlişin qeydə alındığı vurğulanır.
Açıqlamaya əsasən, ötən ilin ilk üç ayına nəzərən nəqliyyat sektorunda yük daşınması üzrə 0,3%, sərnişin daşınması üzrə 4,4%, əhaliyə göstərilən ödənişli xidmətlər üzrə 5,5% geriləmə, pərakəndə ticarət dövriyyəsi üzrə 1,2%,informasiya və rabitə xidmətləri üzrə 17,9% artım var.
Üç ayda dövlət büdcəsinə 7,8 milyard manatın daxil olduğu, büdcədən 5,2 milyard manatın xərcləndiyi, əhalinin nominal gəlirlərinin 6,8% artdığı vurğulanır.
Hesabata görə, yanvar-mart aylarında 3%-lik inflyasiya gedib.
