Kabinetdən güzəşt qərarları
Aprelin 13-də Nazirlər Kabineti koronavirus pandemiyasının sosial həyata mənfi təsirinin azaldılması istiqamətində iki qərar verib. Novator.az bildirir ki, qərarların birinə görə, Azərbaycanın təhsil müəssisələrində ödənişli əsaslarla əyani təhsil alan (təkrar ali və orta ixtisas təhsili istisna olmaqla) və sosial baxımdan həssas əhali qrupuna aid edilən ailələrin üzvü olan tələbələrin 2020-ci ildə təhsil haqqı xərcləri dövlət büdcəsi hesabına ödənəcək. Bu sıraya ünvanlı dövlət sosial yardımı alan ailələrin üzvü olan; hər iki valideyni (tək valideyni olduqda isə həmin şəxs) və ya qanuni nümayəndələri I və II dərəcə əlilliyi olan, işsiz kimi qeydiyyatda olan, yaşa görə əmək pensiyası və sosial müavinət alan şəxslər aid edilir.
Başqa bir qərara əsasən, əhali 2020-ci ilin aprel ayından ardıcıl iki hesabat ayı müddətində 400 kilovat-saatadək elektrik enerjisinin hər kilovat-saatına 7 qəpik ödəyəcək.
Normal tariflə aylıq istehlak həcminin 300 kilovat-saatdan çox hissəsinin hər kilovat-saatı 11 qəpikdən hesablanır.
Hökumətin yeni tədbirlər planı
Plan: iqtisadçının iki qeydi var
Sahibkarlara dəstək proqramı açıqlanıb
Siyasi qurumların operativ qərargaha təklifləri var
