İlham Əliyev fövqəladə zirvə görüşü çağırdı
Türkdilli Dövlətlərin Əməkdaşlıq Şurası (Türk Şurası) aprelin 10-da videokonfrans vasitəsilə fövqəladə zirvə görüşü keçirəcək. Təşəbbüsü Türk Şurasına sədrlik edən Azərbaycanın prezidenti İlham Əliyev irəli sürüb.
Zirvə görüşü koronavirus pandemiyası ilə mübarizə mövzusuna həsr olunacaq.
Türk Şurasını 2009-cu ildə Azərbaycan, Qazaxıstan, Qırğızıstan və Türkiyə yaradıb.
2018-ci ildə Macarıstan Türk Şurasında müşahidəçi statusu alıb.
2019-cu ildə Özbəkistan Türk Şurasına qoşulub.
Türk Şurasının sammitlərinə və müxtəlif tədbirlərinə Türkmənistan da qatılır.
2019-cu ilin dekabrında Çində üzə çıxan, pnevmoniyanın yeni növü olan yoluxucu koronavirus xəstəliyi 210-a yaxın ölkə və əraziyə yayılıb, 89 mindən çox şəxs dünyasını dəyişib.
Türkiyədə 812, Macarıstanda 66, Azərbaycanda 9, Qazaxıstanda 7, Qırğızıstanda 4, Özbəkistanda 3 nəfər vəfat edib.
